Last Updated: 12 Dec 2019 07:20 PM

India Top Stories / Most Popular (Last 16 hours)

India Top Stories

 Lokmat

 Maharashtra Times

 Prahar

 Raigad Times

 deshdoot

 navshakti

 tarunbharat

  • चुका माणसांकडून झाल्या, त्याचा राग पक्षावर कशाला? : चंद्रकांत पाटील

    ऑनलाइन टीम / बीड :  गोपीनाथ मुंडे यांनी ज्याप्रकारे पक्ष वाढवला त्याची जाणीव भाजपाच्या प्रत्येक कार्यकर्त्याला आहे. एकनाथ खडसे, पंकजा मुंडे यांचं दुःख आम्ही समजू शकतो. चुका माणसांकडून झाल्या आहेत. त्याचा राग पक्षावर कशाला असे म्हणत चंद्रकांत पाटील यांनी नाराजांची समजूत काढण्याचा प्रयत्न केला. गोपीनाथ गडावर आयोजित केलेल्या मेळाव्यात ते बोलत होत्या. यावेळी एकनाथ खडसे, रोहीणी खडसे, आदी उपस्थित होते. ते म्हणाले, आपलं घर आहे, घरातलं भांडण रस्त्यावर नको. भविष्यात जेव्हा सगळं चांगलं होईल तेव्हा तुम्हाला अपराधी वाटता कामा नये, की त्यावेळी आपण काय बोलून गेलो? मराठी शब्द वापरताना थोडे जपून वापरा. काही घटना नक्की घडल्या मात्र त्यांचा विचार होईल आणि त्यावर योग्य ते उपाय योजले जातील असंही आश्वासन यावेळी चंद्रकांत पाटील यांनी यावेळी दिले. दरम्यान, गोपीनाथ मुंडे हे कायम माझ्या पाठिशी उभे राहिले. आज त्यांच्याच पावलावर पाऊल ठेवून आम्ही वाटचाल करतो आहोत. भाजप हा पक्ष महाराष्ट्रात वाढवण्याचं काम गोपीनाथ मुंडे यांनी केलं.  

    The post चुका माणसांकडून झाल्या, त्याचा राग पक्षावर कशाला? : चंद्रकांत पाटील appeared first on तरुण भारत.

  • पंकजांकडून नव्या संघर्षाची ‘मशाल’

    ऑनलाइन टीम / बीड : मी पक्ष सोडणार नाही. मात्र, पक्षाला मला सोडायची इच्छा असेल, तर त्यांनी खुशाल मला सोडावे, असे खुले आव्हान भाजपाच्या नेत्या पंकजा मुंडे यांनी गुरुवारी पक्षाला दिले. येत्या 26 जानेवारीपासून गोपीनाथ मुंडे प्रतिष्ठानची मुहूर्तमेढ रोवणार असून, राज्यभर मशाल घेऊन दौरा करणार असल्याचेही त्यांनी जाहीर केली. भाजपाचे दिवंगत नेते गोपीनाथ मुंडे यांच्या जयंतीनिमित्त बीडमधील परळी येथील गोपीनाथगडावर आयोजिलेल्या मेळाव्यात त्या बोलत होत्या. भाजपाचे ज्येष्ठ नेते एकनाथ खडसे, प्रदेशाध्यक्ष चंद्रकांतदादा पाटील यांच्यासह प्रकाश मेहता, महादेव जानकर आदी उपस्थित होते. पंकजा मुंडे यांनी आपल्या भाषणात नाव न घेता माजी मुख्यमंत्री देवेंद्र फडणवीस यांच्यावर टीका केली. पंकजा मुंडे घरात बसणारी नाही. हा माझ्या बापाचा पक्ष आहे. त्यामुळे मी तो सोडणार नाही. मात्र, कोअर कमिटीतून मला आता मुक्त व्हायचे आहे. यापुढे नव्या संघटनेच्या माध्यमातून संघर्ष करणार आहे. येत्या 24 पासून आपण संघटनेचे कार्यालय सुरू करू. मराठवाडय़ातील प्रशांकडे लक्ष वेधण्यासाठी येत्या 27 ला लाक्षणिक उपोषण करणार आहे. मी सगळय़ाच जातीची आहे. त्यामुळे सर्वांसाठी लढू, असा निर्धारही त्यांनी व्यक्त केला.  उद्धव ठाकरे माझे भाऊ पंकजा यांनी नव्या सरकारलाही शुभेच्छा दिल्या. उद्धव ठाकरे हे संवेदनशील नेते आहेत. ते नक्कीच मुख्यमंत्री म्हणून चांगले काम करतील. मराठवाडय़ाचा पाण्याचा प्रश्न त्यांनी सोडवावा, अशी माझी त्यांना विनंती राहील. उद्धव हे माझे भाऊ आहेत. त्यामुळे तुम्ही घाबरू नका, असे आवाहनही त्यांनी समर्थकांना दिले.      

    The post पंकजांकडून नव्या संघर्षाची ‘मशाल’ appeared first on तरुण भारत.

  • गोपीनाथ मुंडे यांनी कधी पाठीत खंजीर खुपसला नाही : एकनाथ खडसे

    ऑनलाइन टीम / बीड  “गोपीनाथ मुंडे यांनी कधी पाठीत खंजीर खुपसला नाही. मर्दासारखे समोरासमोर लढले. कधी विश्वासघात केला नाही. ते समोरासमोर लढले, विश्वासघात केला नाही. मेहनत केलेल्या लोकांवर आज अन्याय होतोय आणि अपमानही केला जात आहे, अशा भावना खडसेंनी यावेळी व्यक्त केल्या. गोपीनाथ मुंडे यांच्या जयंतीनिमित्त आयोजित कार्यक्रमासाठी एकनाथ खडसे गोपीनाथगडावर उपस्थित आहेत. त्यावेळी ते बोलत होते. भाजप नेत्यांच्या पराभवामागे पक्षातील लोकांचाच हात असल्याचा पुनरुच्चार एकनाथ खडसे यांनी केला आहे. पक्षातील लोकांनीच आमच्याविरुद्ध षडयंत्र केल्याच्या आरोपावर खडसे ठाम आहेत. आजच्या नेतृत्वात मदत करण्याची भावना राहिली नाही, तर द्वेशाची, मत्सराची भावना दिसून येत आहे. ज्या लोकांना आम्ही विश्वासाने तयार केले त्यांनी विश्वासघात केला.  खडसे म्हणाले, पंकजा मुंडे आणि रोहिणी खडसे यांच्या पराभवामागे षडयंत्र असल्याचा आरोप खडसेंनी पुन्हा एकदा केला. मी निवडून येण्याची खात्री असताना मला पक्षाने मला तिकीट नाकारले. तर रोहिणी खडसे इच्छूक नसताना देखील त्यांना पक्षाने जबरदस्तीने तिकीट दिले. गोपीनाथ मुंडे यांनी हसत-खेळत राजकारण केले. आजच्या नेतृत्वात ते गुण दिसत नाहीत. मदत करण्याची भावना नेतृत्वात राहिली नाही, तर द्वेशाची, मत्सराची भावना दिसून येत आहे. ज्या लोकांना आम्ही विश्वासाने तयार केले त्यांनी विश्वासघात केला, असा टोला एकनाथ खडसेंनी लगावला. अडचणीतून मार्ग काढण्यासाठी गोपीनाथ मुंडे यांनी वेळोवेळी मदत केली. आजची राजकारणातील परिस्थिती पाहता मुंडे साहेब सोबत असते तर ही वेळ आली नसती. जनता दलापासून भाजपची शेटजी-भटजींचा पक्ष अशी ओळख होती. मात्र, गोपीनाथ मुंडे, प्रमोद महाजन, अण्णा डांगे, नितीन गडकरी अशा अनेक नेत्यांनी पक्षविस्ताराचे मोठे काम केले आहे. पक्षाची छबी बदलण्याचा सातत्याने प्रयत्न यांनी केला. त्यानंतर शेटजी-भटजींचा पक्ष अशी ओळख असलेल्या पक्षाची ओळख बहुजन समाजाचा पक्ष अशी बनवण्यात त्यांना यश आले. हे सगळे करत असताना या नेत्यांना अनेक अडचणींना तोंड द्यावे लागले आहे. परंतु या संघर्षानंतर भाजपला राज्यात चांगले दिवस आले. दुर्दैवाने गोपीनाथ मुंडे या चांगल्या दिवसांमध्ये आता आमच्यासोबत नाहीत. भाजपवर कोणतीही नाराजी नाही असेही खडसे यांनी यावेळी नमूद केले.              

    The post गोपीनाथ मुंडे यांनी कधी पाठीत खंजीर खुपसला नाही : एकनाथ खडसे appeared first on तरुण भारत.

  • नागरिकत्व दुरुस्ती विधेयकाविरोधात मुस्लीम लीगकडून सुप्रिम कोर्टात याचिका

    ऑनलाइन टीम / नवी दिल्ली :  नागरिकत्व दुरुस्ती विधेयक बुधवारी राज्यसभेतही आठ तासांच्या चर्चेनंतर मंजूर करण्यात आले. विधेयकाच्या बाजूने 125 तर, विरोधात 105 मते पडली. दरम्यान नागरिकत्व दुरुस्ती विधेयकाच्या घटनात्मकतेवर प्रश्नचिन्ह उपस्थित करण्यात आलं असून सुप्रिम कोर्टात आव्हान देण्यात आलं आहे. केरळमधील इंडियन युनिअन मुस्लीम लीगने सुप्रिम कोर्टात याचिका दाखल केली आहे. मुस्लीम लीगचे पीके कुनहालकुट्टी यांनी विधेयकाचा विरोध करताना सांगितले की, संविधनाच्या विरोधात असणाऱया या विधेयकाबाबत आम्ही सुप्रीम कोर्टात याचिका दाखल केली आहे. कोणालाही धर्माच्या आधारे नागरिकत्व नाकारता येत नाही. घुसखोरांना नागरिकत्व कसं दिलं जाणार? हे विधेयक संसदेत पास होणं म्हणजे लोकशाहीतला काळा दिवस असल्याची टीका त्यांनी केली. दरम्यान, मुस्लीम लीगसहित विरोध करणाऱयांनी हे विधयक धर्माच्या आधरे भेदभाव करत असल्याचा आरोप केला आहे. काँग्रेसचे राज्यसभा खासदार आणि ज्येष्ठ विधीतज्ञ कपिल सिब्बल सर्वोच्च न्यायालयात इंडियन युनिअन मुस्लीम लीगची बाजू मांडू शकतात.  

    The post नागरिकत्व दुरुस्ती विधेयकाविरोधात मुस्लीम लीगकडून सुप्रिम कोर्टात याचिका appeared first on तरुण भारत.

  • कोडोलीत दत्त जयंत्ती उत्साहात साजरी

    वारणानगर / प्रतिनिधी कोडोली ता. पन्हाळा येथील दत्त मंदिरात दत्त जयंती उत्साहात  साजरी झाली असून भाविक भक्तानी दर्शनासाठी मोठी गर्दी झाली होती. दत्त जयंती निमीत्त महाअभिषेक यश दिखपालसिंह पाटील याच्या हस्ते तर महाआरती दिलीप यशवंत पाटील यांच्या हस्ते करण्यात आली सायकांळी दत्त महिला भजनी मंडळाने भजनासह दत्त जन्म काळाचा पाळणा सादर केला. जन्मोत्सवा निमीत्त सुंटवड्याचे वाटप करण्यात आले. फुलांची उधळण, आतषबाजी करण्यात आली. मंदिरांच्या पायरी मार्गवर सहस्त्रदिप सोहळा पार पडला. कै. बाळू काका सोनटक्के भजनी मंडळाचे भजन, ह. भ. प. श्रीधर देशपांडे शिराळा यांचे कीर्तन पार पडले. कोडोली येथील दत्त मंदिर जागृत देवस्थान म्हणून कोडोली सह परिसरातील नागरिकांच्या मनात एक देवस्थान आहे. दत्त जयंती निमित्त सोमवार ता.९ रोजी प्रयाग चिखलीचे ह. भ. प. प्रणव रजपुत महाराज यांचे रात्री ९ वाजता कीर्तन, मंगळवार ता. १० रोजी पहाटे व सायंकाळी महाआरती सायंकाळी भजन, रात्री कराड चे ह. भ. प. उदय पाटील महाराज यांचे कीर्तन पार पडले. गुरुवार ता. १२ रोजी साडेदहा वाजता दहीहंडी काला दुपारी ११ वाजता महापूजा करून महाप्रसाद वाटप करण्यात आले असून हा सोहळा भाविक भक्ताच्या सहाय्याने उत्साहात पार पडला असल्याचे श्री राममठ व श्री दत्तमठी देवस्थान सेवा मंडळाचे (सोसायटी) कोडोली संयोजक दिखपालसिंह पाटील, दिलीप यशवंत पाटील यांनी सांगीतले.

    The post कोडोलीत दत्त जयंत्ती उत्साहात साजरी appeared first on तरुण भारत.

 achukvarta

 navprahba

 majhapaper

 navamaratha

 vyaaspith.com

 loksatta

 mahanews.co.in

 worldmarathi