Last Updated: 21 Feb 2020 05:49 AM

India Top Stories / Most Popular (Last 16 hours)

India Top Stories

 Lokmat

 Maharashtra Times

 Prahar

 Raigad Times

 deshdoot

 navshakti

 tarunbharat

  • अजिंक्य डी. वाय. पाटील विद्यापीठात अतिरुद्र महायज्ञ

    ऑनलाईन टीम / पुणे :   तरुणांना पावित्र्यमय पुनरुज्जीवनाचा आनंद पारखता यावा आणि त्याचवेळी पर्यावरणाचे शुद्धीकरण करण्यासाठी आपल्यात तशी आवड निर्माण होऊन ती रुढी बनावी यासाठी अजिंक्य डी. वाय. पाटील विद्यापीठात अतिरुद्र महायज्ञ आयोजित करण्यात आला आहे. याप्रसंगी अजिंक्य डी.वाय. पाटील ग्रुपचे अध्यक्ष डॉ. अजिंक्य डी.वाय. पाटील यांनी सांगितले की, ‘काही वर्षांपूर्वी ज्या काल्पनिक विज्ञानकथा कथा होत्या ती आजची विज्ञान वस्तुस्थिती आहे. सातत्याने केलेल्या शास्त्रीय संशोधनामुळे बरेच चमत्कार हे शास्त्रीय तथ्य बनले आहेत. एके काळी वीज, विमान, मोबाईल फोन, इंटरनेट आणि इतर बाबी केवळ कल्पनेचे खेळ होते, अंधश्रद्धेच्या समजूती होत्या; पण त्याच आजच्या आपल्या क्षणोक्षणीची गरजा बनल्या आहेत. मानवी उत्कर्षाला हातभार लावणाऱ्या आणि मानवी जीवन सुसह्य करणाऱ्या ठरल्या आहेत. त्याचप्रमाणे अतिरुद्र महायज्ञेचे महत्त्वही आपल्याला एके दिवशी समजेल आणि उमजेल. आपले वेद हे सार्वत्रिक व सार्वकालिक आहेत. ते सर्व मानवजातीच्या भल्यासाठीच निर्मिलेले आहेत. यज्ञसंस्कृतीत या वेदांद्वारे आपले मानसिक, धार्मिक पालन पोषण करण्याच्या विविध बाबींचा समावेश आहे. वैदिक यज्ञातून निर्माण होणाऱ्या प्रचंड सकारात्मक उर्जेद्वारे चेतनेला उच्च स्तरावर नेले जाते. श्री रुद्रम हे संपूर्ण वेदांचे केंद्रबिंदू आहेत आणि वेदांच्या मूलतत्त्वांचे ते प्रतिनिधित्व करते.

    The post अजिंक्य डी. वाय. पाटील विद्यापीठात अतिरुद्र महायज्ञ appeared first on तरुण भारत.

  • शाळेने आयोजित केला ‘वार्षिक मार्केट डे’

    नरंदे / प्रतिनिधी   विद्यार्थी दशेत असताना विद्यार्थ्यांना पुस्तकी ज्ञानाबरोबरच व्यवहारज्ञान अत्यंत आवश्यक आहे असे प्रतिपादन नितीन पाटील सर यांनी ब्रिलियंट इंग्लिश मीडियम स्कूल आयोजित वार्षिक मार्केट डेमध्ये केले.  जय हनुमान शिक्षण प्रसारक मंडळ अमृतनगर संचलित ब्रिलियंट इंग्लिश मीडियम स्कूल नरंदे या शाळेचा वार्षिक मार्केट डे उत्साहात संपन्न झाला. मार्केट डे साजरा करण्याचा उद्देश म्हणजे विद्यार्थ्यांना दररोजच्या दैनंदिन व्यवहारामध्ये अनेक वस्तूंची खरेदी-विक्री, विविध ठिकाणचा प्रवास, विविध स्पर्धा, त्यांची ठिकाणे यांसारख्या प्रसंगी शाळेत शिकवल्या जाणाऱ्या ज्ञानाबरोबरच व्यवहारांत विविध व्यक्तींशी कसे बोलावे, कसे वागावे याविषयी त्यांच्या ज्ञानात भर व्हावी यांसाठी वार्षिक मार्केट डे ही नावीन्यपूर्ण संकल्पना सादर केली. विद्यार्थ्यांनी या उपक्रमामध्ये भाजीपाला, अन्नधान्य, कडधान्य,विविध प्रकारच्या भाज्या, विविध खेळाचे, अन्नधान्यांचे, नाश्त्याची दुकाने थाटून आपल्या वस्तूंची विक्री करीत होते. या नाविन्यपूर्ण उपक्रमासाठी ब्रिलियंट इंग्लिश मीडियम शाळेच्या मुख्याध्यापिका शुभांगी पाटील यांनी कार्यक्रमाची संपूर्ण जबाबदारी स्वीकारली. उपक्रमात सहभाग घेतलेल्या व विद्यालयातील सर्वच विद्यार्थ्यांच्या पालकांनी या उपक्रमात हिरहिरीने भाग घेऊन आपली मुले कशा पद्धतीने आपल्या वस्तू विकतात ते पाहिले व अनेक वस्तू स्वतःदेखील खरेदी केल्या. हा उपक्रम पाहण्यासाठी गावातील नागरिकांनी गर्दी केली होती शाळेला जणू यात्रेचेच स्वरूप आले होते. मार्केट डे बरोबरच शाळेमध्ये मुलांच्या कलागुणांना वाव मिळावा यासाठी विज्ञान प्रदर्शन, रांगोळी स्पर्धा, क्राफ्ट वर्क, चित्रकला स्पर्धा, यांसारख्या नाविन्यपूर्ण स्पर्धांचे आयोजन केले होते. यासाठी प्रमुख पाहुणे म्हणून अभिनंदन सालपे, उदय चव्हाण, सचिन पाटील, ग्रामपंचायत सदस्य मेघा चौगुले, अर्चना गिड्डे, वीर महिला मंडळाच्या अध्यक्षा राजमती चौगुले उपस्थित होते. उपक्रम यशस्वी करण्यासाठी शाळेच्या मुख्याध्यापिका शुभांगी पाटील, रेश्मा शेटे यांनी विशेष सहकार्य केले त्याचबरोबर शाळेच्या इतर शिक्षकांनी आपला सहभाग नोंदवला या सर्वांना संस्थेचे संस्थापक नितीन पाटील यांचे मोलाचे मार्गदर्शन लाभले.  

    The post शाळेने आयोजित केला ‘वार्षिक मार्केट डे’ appeared first on तरुण भारत.

  • मुख्यमंत्री उद्धव ठाकरे उद्या पंतप्रधान मोदींना भेटणार

    ऑनलाईन टीम / मुंबई :  महाराष्ट्राचे मुख्यमंत्री उद्धव ठाकरे उद्या भारताचे पंतप्रधान नरेंद्र मोदी यांची भेट घेणार आहेत. उद्या सकाळी ही भेट होण्याची शक्यता आहे. मुख्यमंत्री झाल्यानंतर ते पहिल्यांदाच पंतप्रधानांना भेटणार आहेत. येत्या सोमवारपासून राज्याच्या अर्थसंकल्पीय अधिवेशनाला सुरुवात होत आहे.  त्यामुळेच उद्धव ठाकरे पंतप्रधानांची भेट घेऊ शकतात. तसेच एकीकडे उद्धव ठाकरे यांनी कर्जमाफीचं आश्वासन दिलंय. मात्र महाराष्ट्राच्या तिजोरीत पैसे नसल्याने केंद्राकडे निधीची मागणी करू शकतात, अशी चर्चा राजकीय वर्तुळात आहे. मात्र अद्याप पंतप्रधान कार्यालयाकडून मुख्यमंत्र्यांना भेटीसाठी वेळ देण्यात आलेला नाही. दरम्यान, मी पंतप्रधानांना भेटायला जाणार असल्याचं उद्धव ठाकरेंनी मुख्यमंत्रिपदाची शपथ घेण्यापूर्वीच म्हटलं होतं. मुख्यमंत्री झाल्यावर मी दिल्लीला जाणार आहे आणि माझ्या मोठय़ा भावाची भेट घेणार आहे. कारण पंतप्रधान मोदी मला त्यांचा लहान भाऊ म्हणतात, असं उद्धव ठाकरे शिवसेना, राष्ट्रवादी आणि काँग्रेसच्या आमदारांना संबोधित करताना म्हणाले होते.    

    The post मुख्यमंत्री उद्धव ठाकरे उद्या पंतप्रधान मोदींना भेटणार appeared first on तरुण भारत.

  • परंपरा मोडून एक मुस्लिम तरूण होणार मठाचा पुजारी

    ऑनलाईन टीम / गदग :  कर्नाटकमधील गदग जिह्यामध्ये असलेल्या एका लिंगायत समाजाच्या मठात परंपरा मोडून एका मुस्लिम तरूणाला येथील मठाचा पुजारी म्हणून निवड केली आहे. मठाधीशांच्या निर्णयाचे समाजातूनही स्वागत होत आहे. कमी वयामध्ये बसवन्ना यांनी 12 व्या शतकात समाज सुधरणावादी विचार मांडले होते. याच विचारांनी मुस्लिम तरुण दीवान शरीफ रहमानसाब मुल्ला हा प्रभावित झाला होता. महत्वाचे म्हणजे या मठासाठी मुल्लाच्या कुटुंबीयांनी काही वर्षांपूर्वी दोन एकर जागाही दान केली होती. शरीफ याचे वय 33 वर्षे असून त्याला मुरुगराजेंद्र कोरानेश्वर शांतिधाम मठाचा पुजारी म्हणून नियुक्त करण्यात आले आहे. हा मठ खजुरी गावातील कोरानेश्वर संस्थान मठाशी संलग्न आहे. हा मुख्य मठ 350 वर्षे जुना आहे. याबाबत मठाचे स्वामी मुरुगराजेंद्र कोरानेश्वर यांनी सांगितले की, आम्ही अनुयायांसोबत धर्माचा भेदभाव न करता सर्वांना सामावून घेतो. तुम्ही कोणत्या जातीचे आहात याचा काही फरक पडत नाही. जर देवाने तुम्हाला सद्भावना आणि त्यागाच्या मार्गासाठी निवडले असेल तर त्याचा जन्म आणि जातीच्या जोखडांचा विचार केला जाणार नाही.  

    The post परंपरा मोडून एक मुस्लिम तरूण होणार मठाचा पुजारी appeared first on तरुण भारत.

  • ‘संभाजी’ मालिकेचे चित्रीकरण थांबवावे : अर्जुन खोतकर यांची मागणी

    ऑनलाईन टीम / मुंबई :  झी मराठीवरील छत्रपती संभाजी महाराज यांच्या जीवनावरील मालिका ‘स्वराज्य रक्षक संभाजी’ मालिकेत छत्रपती संभाजी महाराजांच्या अटकेचा प्रसंग दाखवण्यात येत आहे. यामध्ये औरंगजेबाच्या तावडीत असलेल्या संभाजी महाराजांचे हाल होताना दिसत आहे. हे हाल शिवप्रेमी पाहू शकत नाहीत त्यामुळे संभाजी महाराजांच्या अटकेनंतरचे मालिकेचे भाग दाखवू नये, अशी मागणी शिवसेनेचे ज्येष्ठ नेते आणि माजी मंत्री अर्जुन खोतकर यांनी केली आहे. खोतकर म्हणाले, इतिहास लपवता येत नाही. मात्र संभाजी महाजारांचा ज्या पद्धतीने छळ करून यातना दिल्या गेल्या ते पाहणे आम्हाला शक्य होणार नाही. त्यामुळे राज्यातील सामाजिक सलोखा बिघडू शकण्याची भीतीही आहे. त्यामुळे हे चित्रीकरण थांबवावे अशी मागणी मुख्यमंत्र्यांकडे केली आहे. दरम्यान, काही दिवसांपूर्वी  शरद पवारांच्या दबावामुळे ‘स्वराज्य रक्षक संभाजी’ मालिका संपवण्यात येणार आहे अशी पोस्ट व्हायरल झाली होती. मात्र याबाबत संभाजी महाराजांची भूमिका साकारणारे अभिनेते डॉ. अमोल कोल्हे यांनी आपली भूमिका स्पष्ट केली होती. या प्रकरणात शरद पवारांना गोवण्याचा दुर्दैवी आणि अत्यंत हीन दर्जाचा प्रयत्न होतोय, त्याचा निषेध करावा तेवढा थोडा आहे असं त्यांनी म्हटलं होतं.   

    The post ‘संभाजी’ मालिकेचे चित्रीकरण थांबवावे : अर्जुन खोतकर यांची मागणी appeared first on तरुण भारत.

 navprahba

 majhapaper

 navamaratha

 vyaaspith.com

 loksatta

 worldmarathi