Last Updated: 05 Apr 2020 03:16 PM

India Top Stories / Most Popular (Last 16 hours)

India Top Stories

 divyabhaskar

  • મહેસાણામાં 200થી વધુ કેમેરાથી લોકડાઉન ભંગ કરનારા પર નજર

    જિલ્લા પોલીસવડા મનીષસિંહે ડ્રોનની મદદથી પેટ્રોલિંગ જ નહીં સેનેટાઈઝેશન કરવાની કામગીરી હાથ ધરી છે. જેમાં કોરોનાને નાથવા હાઇટેક ટેકનોલોજીનો ઉપયોગ કરી જિલ્લામાં પબ્લિક એનાઉન્સમેન્ટ, સેનેટાઇઝરનો છંટકાવ અને લોકોને ચેતવણી આપવા ડ્રોનનો ઉપયોગ શરૂ કર્યો છે. રાત્રિ દરમિયાન ડ્રોન વિવિધ વિસ્તારોમાં પેટ્રોલિંગ કરી લોકોને ઘરમાં જ રહેવા સૂચના આપતું એનાઉન્સમેન્ટ પણ કરશે.

    Download Dainik Bhaskar App to read Latest Hindi News Today

    Take a look at the lockdown breaker with more than 200 cameras in Mehsana

  • આજે રાત્રે 9 વાગે માત્ર ઘરોની લાઇટો બંધ કરજો

    વડાપ્રધાન દ્વારા આજે 5 એપ્રિલે રાત્રે 9 કલાકે ઘરોની લાઇટ બંધ કરવા અપીલ કરી છે. ત્યારે નેશનલ લોડ ડીસ્પેચ સેન્ટર દ્વારા આ દરમ્યાન ગ્રીડ બેલેન્સીંગ માટે માર્ગદર્શન તૈયાર કરાયુ છે. જેમાં રાત્રે 9 કલાકે માત્ર ઘરોની લાઇટ બંધ કરવા અપીલ કરાઇ છે. આ દરમ્યાન સ્ટ્રીટ લાઇટ, ટી.વી,ફ્રીઝ, અને એરકન્ડીશનને બંધ કરવાની અપીલ કરાઇ નથી. વોલ્ટેજ અને ફ્રીકવન્સીના વેરીએશન હેન્ડલ કરવા માટે તમામ તૈયારીઓ કરી દેવાઇ છે. જેથી નાગરિકો ચિંતા મુક્ત રહે અને વિજ ઉપકરણો યથાવત સ્થિતિમાં વપરાશ કરવા અનુરોધ કરાયો છે. ગ્રામપંચાયતો, નગરપાલિકા, મહાનગરપાલિકાઓએ કાયદો અને વ્યવસ્થા માટે સ્ટ્રીટ લાઇટ ચાલુ રાખવા જણાવ્યુ છે. જ્યારે હોસ્પિટલો, અને અન્ય જરૂરી સેવાઓ માટે લાઇટ ચાલુ રખાશે.

    Download Dainik Bhaskar App to read Latest Hindi News Today

    પ્રતિકાત્મક તસવીર

  • લોકોની ભીડનો વીડિયો વાઈરલ થયા બાદ APMC માર્કેટ અચોક્કસ મુદ્દ માટે બંધ કરવાનો નિર્ણય

    શહેરમાં જ્યાંથી શાકભાજીનો સપ્લાય થાય છે તે સહરા દરવાજા સ્થિત એપીએમસી માર્કેટ ખાતે દર રોજ સવારે હજારોની સંખ્યામાં ભીડ ઉમટી રહી હતી. લોકોના ટોળા બેકાબુ બનતા હોવાથી લોક ડાઉનનો અર્થ સરતો ન હતો અને બે વખત પોલીસને લાઠી ચાર્જ કરીને સ્થિતિ પર કાબુ મેળવવાની નોબત આવી હતી. આવા સંજોગોમાં પાલિકા કમિશનર બંછાનીધિ પાની અને પોલીસ કમિશનર આર બી બ્રહ્મભટ્ટે એક મહત્વની બેઠક યોજી હતી અને તેમાં થયેલી ચર્ચા વિચારણાના અંતે સહરા દરવાજા ખાતે આવેલી એપીએમસી માર્કેટને અચોક્કસ મુદત માટે બંધ કરવાનો નિર્ણય લેવામાં આવ્યો હતો.

    મેળાવડો જામતો અટકાવવા નિર્ણય

    આ નિર્ણય લેવા પાછળનો મુખ્ય આશય દર રોજ વહેલી સવારે એપીએમસી માર્કેટ ખાતે એકત્ર થતા લોકોના ટોળાને કારણે સોશિયલ ડિસ્ટન્સીંગનો ભંગ થતો હોવાનું કારણ આપવામાં આવી રહ્યું છે. તેમજ દર રોજ હજારો લોકો સવારમાં એપીએમસી માર્કેટ ખાતે શાકભાજી મેળવવા માટે ઘસારો કરતા હોવાથી કોરોનાનો ફેલાવો થવાની સંભાવના વધી જતી હોવાથી આ નિર્ણય લેવામાં આવ્યો છે.ઉલ્લેખનિય છે કે, છેલ્લા ચાર પાંચ દિવસથી આ સ્થળ પર વહેલી સવારે લોકોનો મેળાવડો જામતો હતો અને બે વખત તો પોલીસને લાઠી ચાર્જ કરીને લોકોના ટોળાને વિખેરવાની ફરજ પડી હતી. આવા સંજોગોમાં હવે એપીએમસી માર્કેટ બંધ કરવાનો નિર્ણય લેવામાં આવતા લોકટોળા એકત્ર થવાનો પ્રશ્ન રહેશે નહીં.એપીએમસીના રમણ જાનીએ જણાવ્યું હતું કે, તંત્રના આદેશ મુજબ નિર્ણય લેવામાં આવ્યો છે. તંત્ર કહેશે ત્યારે ફરીથી માર્કેટ ખુલી મુકવામાં આવશે.



    Download Dainik Bhaskar App to read Latest Hindi News Today
    એપીએમસીમાં લોકોના ટોળા એકઠાં થતાં તંત્ર દ્વારા માર્કેટ બંધ કરવાનો નિર્ણય કરવામાં આવ્યો છે.

  • માત્ર 17 દિવસમાં શહેરમાં 53 કેસ અને 5ના મોત, પૂર્વ વિસ્તારમાં જ 25 કેસ નોંધાયા

    કોરોના વાઇરસના હોટસ્પોટ બનેલા અમદાવાદ શહેરમાં સૌથી વધુ કેસો શહેરના પૂર્વ વિસ્તારમાં નોંધાયા છે. પૂર્વ વિસ્તારમાં કેસોની શરૂઆત 20 માર્ચથી થઈ છે. જમાલપુર વિસ્તારમાં રહેતા પતિ-પત્ની જેઓ મક્કા મદીના જઈને પરત આવ્યા હતા અને લક્ષણો જણાતા હોસ્પિટલમાં દાખલ થયા હતા જ્યાં 20 માર્ચે બંનેના કેસ પોઝિટિવ આવ્યા હતા. 21 માર્ચે આસ્ટોડિયા વિસ્તારમાં રહેતી અને મક્કા મદીના જઈને આવેલી 85 વર્ષની વૃદ્ધા હોસ્પિટલમાં દાખલ થયા હતા. આ બંનેની વિદેશ પ્રવાસની હિસ્ટ્રી હતી અને રિપોર્ટ પોઝિટિવ આવ્યો હતો.

    14 દિવસ હોમ ક્વોરન્ટીન પૂર્ણ કર્યો બાદ કેસ પોઝિટિવ
    23 માર્ચ બાદ ગોમતીપુરમાં પુરુષ અને શાહઆલમ વિસ્તારમાં પુરુષનો કેસ પોઝિટિવ આવ્યો હતો. આ બંને લોકોને ચેપ ક્યાંથી લાગ્યો તેની કોઈ હિસ્ટ્રી આરોગ્ય વિભાગને મળી નથી. બંને કોને મળ્યા હતા તેની તપાસ કરવામાં આવી હતી. શાહપુરમાં રહેતા વ્યક્તિ ઇન્ડોનેશિયા સહિત દેશોમાં અને અન્ય રાજ્યમાં જઈને આવ્યા હતા અને તેમનો ટેસ્ટ પોઝિટિવ આવ્યો હતો. 6 માર્ચે ઉદેપુર જઈને પરત આવેલા કાલુપુરમાં વ્યક્તિએ 14 દિવસ હોમ ક્વોરન્ટીન પૂર્ણ કર્યો હતો બાદમાં લક્ષણ આવતા રિપોર્ટ કરાવ્યો હતો અને તેઓને કેસ પોઝિટિવ આવ્યો હતો.

    કાલુપુરમાં એક જ પરિવારના 4 લોકોનો ટેસ્ટ પોઝિટિવ આવ્યો હતો
    20 માર્ચે બાપુનગરમાં રહેતા ઝુબેર પઠાણ સાળાને મળવા ઇન્દોર ગયા હતા. 24 માર્ચે કાર લઈ પરત આવ્યા હતા. તેઓને ટેસ્ટ કરાવતાં પોતાનો,પત્ની અને પુત્રનો ટેસ્ટ પોઝિટિવ આવ્યો હતો. બે દિવસ પહેલા તેમના ઉપરના માળે રહેતા ભત્રીજાને પણ ચેપ લાગતા તેનો ટેસ્ટ પોઝિટિવ આવ્યો હતો. ઉપરાંત બાપુનગરના જ એક વ્યક્તિ બોડકદેવમા એક પોઝિટિવ દર્દીના સંપર્કમાં આવ્યા હતા અને તેમનો રિપોર્ટ પોઝિટિવ આવ્યો હતો. 3 એપ્રિલે કાલુપુરમાં માતાવાળાની પોળમાં રહેતા એક જ પરિવારના 7 વર્ષની બાળકી સહિત 4 લોકોને ટેસ્ટ પોઝિટિવ આવ્યો હતો. જ્યારે જમાલપુરની એક યુવતીને પણ પોઝિટિવ રિપોર્ટ આવ્યો છે. કાલુપુર અને જમાલપુરની યુવતીના કેસમાં ચેપ ક્યાંથી લાગ્યો તેની હિસ્ટ્રી મળી નથી.આજે આવેલા પાંચ અને બે દિવસ પહેલાનો એક કેસ દિલ્હીમાં મરકઝમાં ગયેલા લોકોના છે. 50 લોકો દિલ્હીમાં તબધીલ જમાતમાં મરકઝમાં જઈને દરિયાપુર - કાલુપુર વિસ્તારમાં આવ્યા હતા. તેઓમાં 6 કેસ પોઝિટિવ આવ્યા છે.



    Download Dainik Bhaskar App to read Latest Hindi News Today
    Ahmedabad becomes Corona hot spot, 53 positive cases and 5 deaths in just 17 days

  • સાડા 4 માસનો દીકરો હોવા છતા કોરોનાની ફરજ નિભાવતી સુરતની પરિચારિકા માટે સોસાયટીએ મેઈન ગેટનું તાળું ન ખોલ્યું

    મેઇન ગેટ પર તાળાં મારી પાછળનાદરવાજેથી અવર-જવર કરવાની સોસાયટીની સુચનાએ એક પરિચારિકાની સમસ્યા વધારી દેતા મામલો પોલીસ કમિશનર સુધી પહોંચી ગયો છે. કોરોના વાઇરસ સામે લોકડાઉન બાદ તમામને ઘરમાં રહેવાની અપીલનો સોસાયટીવાસીઓ દૂર ઉપયોગ કરી રહી હોવાનો પરિચારિકાએ આરોપ મૂક્યો છે. જોકે, છેલ્લા બે દિવસથી ભેસ્તાનની જાનકી પાર્ક સોસાયટીમાં ઉભા થયેલા આ અનોખા વિવાદને લઈ ખાનગી હોસ્પિટલની પરિચારિકા માનસિક રીતે હેરાન હોવાનું જણાવી રહી છે. સાડા ચાર માસની ન્યુ બોર્ન પુત્રસાથે ખાનગી હોસ્પિટલમાં ઇન્ફેક્શન વિભાગની જવાબદારી નિભાવતી પરિચારિકા માટે અસુરીક્ષિત વિસ્તારમાંથી અવર-જવર કરી નોકરી કેમ કરવીએ એક પ્રશ્ન બની ગયો છે.

    તાળા બંધીને લઈ અનેક સમસ્યાઓનો સામનો કરવાની નોબત

    નિરાલી પટેલ (પીડિત પરિચારિકા) એ જણાવ્યું હતું કે તેઓ સુરતની એક પ્રતિષ્ઠિત ખાનગી હોસ્પિટલમાં પરિચારિકા તરીકે પાંચ વર્ષથી ફરજ બજાવતા આવ્યા છે. હાલ કોરોના વાઇરસ સામે આખું વિશ્વ ઝઝુમી રહ્યું છે. જેને લઈ સાથી સ્ટાફ કર્મચારીઓને ઇન્ફેક્શન મુક્ત રાખવાની જવાબદારી તેમને સોંપાય છે. આવા સંજોગોમાં શિફ્ટ ડ્યુટીમાં કામ કરતા તેમને છેલ્લા બે દિવસથી સોસાયટીના મેઈન ગેટ પર તાળા બંધીને લઈ અનેક સમસ્યાઓનો સામનો કરવાની નોબત આવી છે. એક સમય બાદ કોઈના માટે પણ મેઈન ગેટનું તાળું ખુલશે નહીં એવું કહેતા સોસાયટીના પ્રમુખ પાછળનાદરવાજેથી અવર-જવર કરવા જણાવી રહ્યા છે. પણ તેઓ ભૂલી ગયા છે કે, પાછળનાદરવાજા બહાર અસામાજિક તત્વોનો અડ્ડો 365 દિવસ હોય છે. દારૂ અને જુગારના અડ્ડાવાળા સુમશાન વિસ્તારમાંથી પસાર થનારી કોઈ મહિલા કેવી રીતે સુરીક્ષિત રહેશે.

    કમિશનરને લેખિત જાણ કરી નિરાકરણ લાવવા રજૂઆત

    નિરાલીએ વધુમાં જણાવ્યું હતું કે, હાલ તેમને સાડા ચાર મહિનાનો દીકરોછે. ઘરની જવાબદારી ત્યારબાદ હોસ્પિટલની જવાબદારી આ બન્ને વચ્ચે સોસાયટીના 126 જેટલા મકાનમાં રહેતા લોકો પાસેથી સોસાયટીના પ્રમુખ લખાણ માંગી રહ્યા છે કે, જો આ સોસાયટીમાં કોઈ પણ કોરોના પોઝિટિવ આવ્યો તો એની જવાબદાર આ પરિચારિકાની રહેશે. આવી માનસિકતા વચ્ચે એક પરિચારિકા પોતાનો હોસ્પિટલની જવાબદારી કેવી રીતે નિભાવી શકે એ એક પ્રશ્ન બની ગયો છે. ભેસ્તાન પોલીસ ચોકીના કર્મચારીઓ પણ આવી સમસ્યાને લઈ લાચાર હોય એમ લાગી રહ્યું છે એટલે પોલીસ કમિશનરને લેખિતમાં જાણ કરી આ પ્રશ્નનું નિરાકરણ લાવવા અરજી કરી હોવાનું પરિચારિકા નિરાલીએ જણાવ્યું છે.



    Download Dainik Bhaskar App to read Latest Hindi News Today
    પરિચારિકાને સોસાયટી દ્વારા પાછળના દરવાજેથી અવર-જવર કરવા ફરજ પડાઈ

 gstv

 kutchmitradaily

 gujarattoday

 kutchuday

 janmabhoomi

 loksansar

 iamgujarat

 nirmalmetro

 gujarattimesusa

 chitralekha

 abhiyaanmagazine

 gujaratsamachar

 ahmedabadexpress