Last Updated: 28 Nov 2020 01:08 PM

India Top Stories / Most Popular (Last 16 hours)

India Top Stories

 divyabhaskar

  • નડિયાદની વલ્લા પ્રાથમિક શાળાના શિક્ષકે અનોખી રીતે મનાવ્યો જન્મદિવસ, 222 બાળકોને ઉનની ટોપીઓ આપી

    ખેડા જીલ્લાના પ્રાથમિક શાળાના શિક્ષકે પોતાના જન્મદિવસે શિક્ષક સમાજમાં ઉદાહરણરૂપ બની રહે તેવી પ્રવૃત્તિ કરી સમગ્ર ચરોતર પંથકમાં પ્રેરણા પુરી પાડી છે. શિક્ષકનો જીવ શાળા અને વિદ્યાર્થીઓમાં જ ઓતપ્રોત હોય તેવી લોકલાગણીને ઉજાગર કરતી વાસ્તવિકતા નડીયાદ તાલુકાના વાલ્લા ગામની પ્રાથમિક શાળાના ઉપચાર્યના જન્મદિવસની ઉજવણીમાં પ્રદર્શિત થઈ છે.

    જન્મદિવસ નિમિત્તે પોતાની શાળાના 225 વિદ્યાર્થીઓને ઉનની ટોપી ભેટ કરી

    ઉનની ટોપી બાળકોને ભેટ કરી
    શિયાળાની ઠંડીમાં બાળકોના આરોગ્યની ચિંતા કરી વલ્લા પ્રા. શાળાના ઉપચાર્યએ પોતાના જન્મદિવસ નિમિત્તે પોતાની શાળાના 225 વિદ્યાર્થીઓને ઉનની ટોપી ભેટ કરી છે. વલ્લા પ્રાથમિક શાળાના ઉપચાર્ય હિતેશભાઈ બ્રહ્મભટ્ટે શાળાના વિદ્યાર્થીઓના ઘરે-ઘરે પહોંચી આ ઉનની ટોપી બાળકોને ભેટ કરી છે. વળી તેઓ સાથે અને તેઓના કુટુંબીજનો સાથે બાળકોના અભ્યાસ સહિતની વાતો કરી બાળકોના ભવિષ્ય અંગે માર્ગદર્શન પૂરું પાડ્યું હતું.

    ઉપચાર્ય હિતેશભાઈ બ્રહ્મભટ્ટે શાળાના વિદ્યાર્થીઓના ઘરે-ઘરે પહોંચી આ ઉનની ટોપી આપી

    માસ્ક, સોશિયલ ડિસ્ટન્સ સહિતના નિયમોના પાલન અંગે માહિતી આપી
    આ ઉપરાંત આ કોરોના કાળમાં બાળકો અને તેમના વાલીઓ સંક્રમિત ન બને તે માટે કોરોના જાગૃતિ અંગેના માસ્ક, સેનેટાઈઝિંગ અને વારંવાર હાથ ધોવા સહિતના નિયમ પાલન અંગેની માહિતી અને સમજૂતી પણ આપી હતી. મહત્વનું છે કે આ કોરોના મહામારીમાં શાળા, વિદ્યાર્થી અને શિક્ષકનો નાતો તૂટી રહ્યો છે.શાળાઓ બંધ હોઈ શિક્ષણ દ્વારા સંસ્કારનું ઘડતર પણ અટક્યું છે. ત્યારે હિતેશભાઈ બ્રહ્મભટ્ટ જેવા શિક્ષકો શિક્ષણ અને શિક્ષક આલમનું તેજ બની વિદ્યાર્થીના જીવનમાં પરોપકારનું સિંચન કરી રહ્યા છે.

    કુટુંબીજનો સાથે બાળકોના અભ્યાસ સહિતની વાતો કરી બાળકોના ભવિષ્ય અંગે માર્ગદર્શન પૂરું પાડ્યું


    Download Dainik Bhaskar App to read Latest Hindi News Today
    નડિયાદની વલ્લા પ્રાથમિક શાળાના શિક્ષકે વિદ્યાર્થીઓ સાથે જન્મદિવસ મનાવ્યો

  • ઝાયડસ બાયોટેકમાં 1 કલાક સુધી PM મોદીનું રોકાણ, ટ્રાયલ વેક્સિનના નિરીક્ષણ-કોર ટીમ સાથે સમીક્ષા બેઠક કરી

    એક તરફ અમદાવાદમાં ભારત બાયોટેકની કોવેક્સિન રસીની ટ્રાયલ શરૂ થઇ ચૂકી છે ત્યારે બીજી તરફ ઝાયડસ ફાર્માની કોરોનાની રસી ઝાયકોવિડ વેકસીનનું પણ અંતિમ તબક્કાનું પરીક્ષણ ચાલી રહ્યું છે વડાપ્રધાન મોદી સવારે 9 વાગ્યે અમદાવાદ એરપોર્ટથી ઝાયડસ બાયોટેક પાર્ક પહોંચ્યાં હતાં. જ્યાં તેમણે કંપની દ્વારા વિકસાવવામાં આવેલી ટ્રાયલ વૅક્સિનનું નિરિક્ષણ કર્યું હતું. હાલમાં વડાપ્રધાનની ઝાયડસના ચેરમેન પંકજ પટેલ સાથે બેઠક થઈ હતી. જેમાં વૅક્સિન અંગે ચર્ચાઓ કરવામાં આવી હતી.

    ત્યાર બાદ તેમણે વૅક્સિન તૈયાર કરનાર સાયન્ટિસ્ટો સાથે પૂછપરછ કરીને વૅક્સિનની સમીક્ષા પણ કરી હતી. મોદીએ PPE કીટ પહેરીને ઝાયડસના પ્લાન્ટમાં કોરોનાની ટ્રાયલ વૅક્સિનનું નિરિક્ષણ કર્યું હતું. તેઓ અહીં એક કલાક જેટલું રોકાયા હતાં. ત્યાર બાદ તેઓ પુણે જવા માટે ચાંગોદર હેલિપેડ પરથી વાયુસેનાના હેલિકોપ્ટર મારફતે રવાના થયાં હતાં. જ્યાં સિરમ ઈન્સ્ટિટ્યૂટની મુલાકાત લેશે અને બાદમાં હૈદરાબાદ જવા રવાના થશે.

    ઝાયડસ બાયોટેકમાં PM મોદીની કંપનીના ચેરમેન પંકજ પટેલ તથા વૈજ્ઞાનિકો સાથે બેઠક

    વેક્સિનના ફેઝ-2ના પરિણામોની ચર્ચા કરી
    વડાપ્રધાન મોદી ઝાયડસની કોરોના વેક્સિન પર કામ કરી રહેલા વૈજ્ઞાનિકો સાથે મળીને ફેઝ-2ના પરિણામોની ચર્ચા કરી હતી. ઝાયડસની રસીનું બીજા તબક્કાનું પરીક્ષણ ઓગસ્ટમાં શરુ થયું હતું અને જે નવેમ્બરની શરૂઆત સુધી ચાલ્યું હતું. મળતી વિગતો મુજબ વડાપ્રધાન અને પંકજ પટેલ વચ્ચે ફેઝ-3ની શરૂઆત અંગે પણ ચર્ચા કરી હતી. કંપનીએ અગાઉ ડિસેમ્બરથી ત્રીજા તબક્કાનું ક્લિનિકલ ટ્રાયલ શરુ કરવાની પણ વાત કરી હતી.

    કાફલો વચ્ચે રોકી લોકોનું અભિવાદન ઝીલ્યું
    વડાપ્રધાને ઝાયડસની મુલાકાત લીધા બાદ પૂણે જવા રવાના થયાં હતાં. તેમણે રસ્તામાં પોતાનો કાફલો રોકીને લોકોનું અભિવાદન ઝિલ્યું હતું. અમદાવાદ આવેલા પીએમને જોવા માટે લોકો ચાંગોદરમાં સવારથી જ ઉમટી પડ્યાં હતાં.

    વડાપ્રધાને સાયન્ટિસ્ટો સાથે વૅક્સિન અંગે ચર્ચાઓ કરી
    ઝાયડસમાં તૈયાર કરવામાં આવેલ ટ્રાયલ વૅક્સિન

    વેક્સિનના ઉત્પાદન માટેની તૈયારીઓ શરુ
    ઝાયડસ કોરોનાની વેક્સિન વિકસાવવાની સાથે સાથે તેનું ઉત્પાદન પણ શરુ કરવા ઉપર કામ કરી રહી છે. સુત્રો પાસેથી મળેલી માહિતી મુજબ કંપની તેના એક પ્લાન્ટમાં જ 10 કરોડ ડોઝ બની શકે તેવો પ્લાન્ટ પણ બનાવી રહી છે.

    બ્લેક BMW કારમાં PM મોદી ઝાયડસ પહોંચ્યા

    અમદાવાદની ઝાયડસ બાયોટેકમાં કોરોના વેકસીનનું પ્રોડક્શન થશે જે માટે ઝાયડસ બયોટેકની વ્યવસ્થાને આખરી ઓપ આપવામાં આવી રહ્યો છે. અમદાવાદની ઝાયડસ બયોટેકમાં ઝાયકોવ- ડી વેકસીન પર કામ ચાલી રહ્યું છે.હાલ આ વેક્સીનની તૈયારીઓ પર નજર નાખવા ખુદ વડાપ્રધાન અમદાવાદ આવ્યા છે. અમદાવાદ પધારેલા વડાપ્રધાનના સ્વાગત સત્કાર માટે પોલીસ મહાનિદેશક આશિષ ભાટિયા, સામાન્ય વહીવટ વિભાગ ના અધિક મુખ્ય સચિવ કમલ દયાની અમદાવાદ શહેર પોલીસ કમિશનર સંજય શ્રીવાસ્તવ, જિલ્લા કલેકટર સંદીપ સાગલે અને ચીફ પ્રોટોકોલ ઓફિસર તેમજ અધિક સચિવ જ્વલંત ત્રિવેદી પણ ઉપસ્થિત રહ્યા હતા.

    ઝાયડસ પહોંચીને વડાપ્રધાન રસી વિકસાવનાર વૈજ્ઞાનિકો સાથે ચર્ચાઓ કરી
    અમદાવાદ એરપોર્ટ પર વડાપ્રધાન મોદી પહોંચ્યા

    ઝાયડસ બાયોટેક પાર્કના પ્લાન્ટમાં વૅક્સિનનું યુનિટ તૈયાર થઈ રહ્યું છે
    દેશમાં કોરોના વાયરસના હાહાકારની વચ્ચે વૅક્સિનની તૈયારીઓને કારણે હાશકારો પણ છે. આ પ્લાન્ટ પર કોરોના વૅક્સિનનું યુનિટ તૈયાર થઈ રહ્યું છે. વૅક્સિનની ટ્રાયલના તમામ તબક્કા પૂર્ણ થયા બાદ અહીં યુદ્ધના ધોરણે કોરોનાની રસીનું ઉત્પાદન કરવામાં આવશે. હાલમાં સોલા સિવિલ ખાતે વૅક્સિનની ટ્રાયલ ચાલી રહી છે. જેમાં વોલન્ટિયર્સ ટ્રાયલ માટે આવી રહ્યાં છે.

    એરપોર્ટ પર તેમનું સ્વાગત કરવામાં આવ્યું

    પીએમ મોદીના પ્રવાસ દરમિયાન પોલીસનો ચુસ્ત બંદોબસ્ત
    વડાપ્રધાન મોદી અમદાવાદની મુલાકાતે આવી રહ્યાં છે. ત્યારે શહેરમાં પોલીસનો ચુસ્ત બંદોબસ્ત ગોઠવવામાં આવશે. ચાંગોદર હેલિપેડથી ઝાયડસ બાયોટેક પાર્ક સુધી તમામ રસ્તા પર પોલીસનો ચાંપતો બંદોબસ્ત ગોઠવવામાં આવશે. આ બંદોબસ્તમાં 500થી વધુ પોલીસ કર્મીઓ હાજર રહેશે. જેમાં 4 SP, 10 DYsp, 12 PI, 40 PSI સહિત BDDS અને LCB,SOG ની ટીમ પણ વડાપ્રધાનના બંદોબસ્ત માં ખડેપગે રહેશે.



    Download Dainik Bhaskar App to read Latest Hindi News Today
    Zydus Cadila chairman Pankaj Patel arrives at pharma plant, PM Modi to reach Ahmedabad soon

  • SITના અધિકારીઓની બેઠક શરૂ, કોંગ્રેસે કહ્યું- લોકચર્ચા પ્રમાણે ધમણ વેન્ટિલેટરને કારણે આગ લાગ્યાની શંકા, હોસ્પિટલના સંચાલકે કહ્યું- ઈલેક્ટ્રિક ગેજેટમાં સ્પાર્કની શંકા

    રાજકોટની ઉદય શિવાનંદ કોવિડ હોસ્પિટલમાં ગુરૂવારની મોડી રાત્રે ICU વિભામાં આગ લાગતા કોરોનાના 5 દર્દીના મોત નીપજ્યા હતા. જ્યારે એક દર્દી સારવાર હેઠળ છે. આજે શનિવારે અગ્નિકાંડને લઈને શહેરના સર્કિટ હાઉસ ખાતે અધઇકારીઓની બેઠકોનો ધમધમાટ શરૂ થયો છે. કોંગ્રેસના હેમાંગ વસાવડાએ આક્ષેપ કરતા જણાવ્યું હતું કે, લોકચર્ચા મુજબ ધમણને કારણે આગ લાગી હોવાની શંકા છે. જ્યારે ઉદય શિવાનંદ કોવિડ હોસ્પિટલના સંચાલક ડો.તેજસ કરમટાએ Divyabhaskarને જણાવ્યું હતું કે, ઈલેક્ટ્રિક ગેજેટમાં સ્પાર્ક થયાની શંકા છે અને ઓક્સિજનના વધારે પ્રમાણને કારણ આગ વિકરાળ બની હતી.

    સર્કિટ હાઉસ ખાતે બંધ બારણે અધિકારીઓની બેઠક મળી

    કોંગ્રેસે કહ્યું- અગાઉ પણ ધમણમાં આ પ્રકારનો બનાવ બન્યો હતો
    બેઠકમાં અધિક મુખ્ય સચિવ એ.કે. રાકેશ, રાજકોટના કલેક્ટર રેમ્યા મોહન, પોલીસ કમિશનર મનોજ અગ્રવાલ, SITના અધિકારી મનોહરસિંહ જાડેજા, ઉદય શિવાનંદ કોવિડ હોસ્પિટલના સંચાલક ડો.તેજસ કરમટા, DDO અને સચિવ રાહુલ ગુપ્તા આ બેઠકમાં હાજર રહ્યાં છે. બીજી તરફ કોંગ્રેસના નેતા હેમાંગ વસાવડાએ જણાવ્યું હતું કે, ધમણ
    વેન્ટિલેટર કારણે આગ લાગી હોવાની લોકચર્ચા થઈ રહી છે. સમગ્ર મામલે ન્યાયિક તપાસ કરવામાં આવે તેવી અમારી માગ છે. અગાઉ પણ ધમણમાં આ પ્રકારનો બનાવ બન્યો હતો. જો આ વાત સાચી નીકળે તો હાલમાં ચાલુ તમામ ધમણ પરત ખેંચી લેવા જોઈએ.

    SITના અધિકારીઓ બેઠકમાં પહોંચ્યા હતા

    ICU વોર્ડમાં આઠ બેડ હતા જેમાં સાત બેડ ભરેલા હતા
    હોસ્પિટલના સંચાલક ડો. તેજસ કરમટાએ DivyaBhaskar સાથેની વાતચીતમાં જણાવ્યું હતું કે, કોઈ ગેજેટમાં સ્પાર્ક થયો છે અને ઓક્સિજન માત્રા વધુ હોય જેને લઈ આગ લાગી હતી તેવું પ્રાથમિક જાણવા મળ્યું છે. ગઈકાલથી તપાસ ચાલી રહી છે. સરકારે કંઈ જાણ કરી નથી અને FSL તપાસ કરે છે. એલ એન્ડ ટી અને ધમણના એક અને ત્રણ વેન્ટિલેટર વાપરવામાં આવે છે. આગ લાગી પછી હું હોસ્પિટલ આવ્યો હતો. ICU વોર્ડમાં આઠ બેડ હતા જેમાં સાત બેડ ભરેલા હતા. એકથી ત્રણ નંબરના બેડ વચ્ચે આગ લાગી હશે.

    એલ એન્ડ ટી અને ધમણ વેન્ટિલેટર વચ્ચે આગ લાગી છે કે કેમ તે અંગે તપાસ
    ડો. કરમટાએ વધુમાં જણાવ્યું હતું કે, એલ એન્ડ ટી અને ધમણ વેન્ટિલેટર વચ્ચે આગ લાગી હોય તે અંગે તપાસ ચાલી રહી છે. અમને આ તપાસમાંથી વહેલા બહાર કાઢો. આ તપાસમાંથી અમે વહેલા બહાર નીકળી ફરી સેવા કરવા ઇચ્છીએ છીએ અને સમાજને ઉપયોગી થવું છે. સીસીટીવી પોલીસે અમને પણ જોવા આપ્યા નથી અને બધુ કબ્જે કરી લીધું છે. નિયમ મજબ ICU વોર્ડમાં જગ્યા હતી જ.



    Download Dainik Bhaskar App to read Latest Hindi News Today
    ઉદય શિવાનંદ કોવિડ હોસ્પિટલના સંચાલક ડો.તેજસ કરમટા

  • રાજ્યસભાના વિપક્ષી નેતા ગુલામનબી આઝાદ, ભૂપેન્દ્રસિંહ હુડ્ડા સહિતના નેતા સુરત એરપોર્ટથી અહેમદ પટેલના ઘરે પીરામણ જશે

    કોંગ્રેસના દિગ્ગજ નેતા અને સોનિયા ગાંધીના રાજકીય સલાહકાર અહેમદ પટેલનું કોરોનાની સારવાર દરમિયાન નિધન થયું છે. અહેમદ પટેલના નિધનના પગલે કોંગ્રેસના રાષ્ટ્રીય નેતાઓ અહેમદ પટેલના પરિવારના સભ્યોને દિલસોજી આપવા માટે દિલ્હીથી વાયા સુરત થઈને ભરૂચ નજીકના પીરામણ ગામે જશે. દિલ્હીથી રાજ્યસભાના વિપક્ષી નેતા ગુલામનબી આઝાદ અને હરિયાણાના માજી મુખ્યમંત્રી સહિતના નેતાઓ સુરત આવશે બાદમાં અહેમદ પટેલના ઘરે જશે.

    બાયરોડ સુરતથી જશે
    દિલ્લીથી સ્પેશિયલ પ્લેન મારફતે સુરત એરપોર્ટ આવી બાયરોડ સ્વ.અહેમદ પટેલના નિવાસસ્થાને જવા રવાના થશે.વિપક્ષી નેતા ગુલામનબી આઝાદ,હરિયાણાના માજી મુખ્યમંત્રી ભુપેન્દ્રસિંહ હુડ્ડાં,તેમના સાંસદ પુત્ર દીપેન્દ્ર હુડડા પણ સુરત આવશે.સાથે સાંસદ આનંદ શર્મા,કનિષ્કાશિંહ પણ તમામ નેતાઓની સાથે સુરત આવશે. સુરત એરપોર્ટથી બાયરોડ ભરૂચ સ્થિત સ્વ.અહેમદ પટેલના પરિવારને સાંત્વના પાઠવવા રવાના થશે.

    સ્પેશિયલ ફ્લાઈટમાં આવશે
    દિલ્લીથી સવારે 9:30 વાગ્યે સ્પેશિયલ પ્લેન દ્વારા 11:00 વાગ્યે સુરત એરપોર્ટ પહોંચ્યા છે. સુરત એરપોર્ટથી 11: 10 વાગ્યે ભરૂચના અંકલેશ્વર સ્થિત પીરામન જવા રવાના થયા છે.પીરામન ખાતે 1:30 વાગ્યાની આસપાસ તમામ નેતાઓ પહોંચશે.જ્યાં અહેમદ પટેલને શ્રદ્ધાંજલિ પાઠવી પરિવારને પણ સાંત્વના પાઠવશે.ત્યારબાદ પીરામણથી રવાના થઈ બપોરના 2: 45 કલાકે સુરત એરપોર્ટ પહોંચશે.સુરત એરપોર્ટથી 3:00 કલાકે સ્પેશિયલ પ્લેન મારફતે ફરી દિલ્લી જવા રવાના થશે.જ્યાં આખરમાં 4: 30 કલાકે તેઓ દિલ્લી પહોંચશે.



    Download Dainik Bhaskar App to read Latest Hindi News Today
    ગુલામનબી આઝાદ સહિતના વરિષ્ઠ કોંગ્રેસીઓ અહેમદ પટેલના ઘરે શાંત્વના આપવા પહોંચી રહ્યાં છે. (ફાઈલ તસવીર)

  • કોરોના વેક્સિનની ટ્રાયલની કામગીરી જોવા પહોંચેલા PMના વિઝિટ સમયે ટ્રાફિકમાં ફસાયેલી એમ્બ્યુલન્સને પોલીસે નીકળવાની વ્યવસ્થા કરી

    અમદાવાદ નજીક આવેલા ચાંગોદરની ઝાયડ્સ બાયોટેક પ્લાન્ટમાં પ્રધાનમંત્રી નરેન્દ્ર મોદીએ વિઝિટ કરી હતી. તેમની મુલાકાતના સમયે પોલીસ દ્વારા ખાસ સુરક્ષા વ્યવસ્થા ગોઠવવામાં આવી હતી. એવા સમયે PM પરત જઇ રહ્યા હતા ત્યારે હાઇવેનો વાહન વ્યવહાર બંધ થતાં એમ્બ્યુલન્સ પણ અટવાઈ ગઈ હતી, પરંતુ પોલીસે સમય સૂચકતા દાખવીને એમ્બ્યુલન્સ અને કાફલાને ક્યાંય અડચણ ન પડે એ માટેની વ્યવસ્થા કરી હતી.

    ઝાયડ્સ મુલાકાતને પગલે ટ્રાફિક બંધ કરાયો હતો
    આજે પ્રધાનમંત્રી નરેન્દ્ર મોદીની વિઝિટ દરમિયાન ચાંગોદર ઝાયડ્સના પ્લાન્ટ પર પોલીસ દ્વારા ખાસ બંદોબસ્ત ગોઠવવામાં આવ્યો હતો. PMના આવતાં પહેલાં અને જતા સમયે હાઇવેનો ટ્રાફિક બંધ કરી દેવામાં આવ્યો હતો. આ સમયે અન્ય વાહનોની સાથે એમ્બ્યુલન્સ પણ અટવાઈ હતી. ત્યારે જિલ્લા પોલીસના અધિકારીઓએ ખાસ સમય સૂચકતા દાખવીને કાફલાને અડચણ ન આવે એ રીતે એમ્બ્યુલન્સને રસ્તા પરથી જવાની વ્યવસ્થા કરી હતી.



    Download Dainik Bhaskar App to read Latest Hindi News Today
    કાફલો જતો હોય એ સમયે જ એમ્બ્યુલન્સને પણ હાઈવે પર પોલીસે પસાર કરી દીધી હતી.

 gstv

 kutchmitradaily

 gujarattoday

 kutchuday

 janmabhoomi

 loksansar

 nirmalmetro

 gujarattimesusa

 chitralekha

 abhiyaanmagazine

 gujaratsamachar

 ahmedabadexpress